بدون مقدمات طويلة، آخر علاقة جمعتني بالاستجوابات tags انتهت بأني اتشمت مباشرة، لكن ده لا يعني إني مش هجاوب أي استجواب تاني تتوجه لي دعوة إني أجاوبه...
المرة دي الاستجواب كان من كليوباترا، وهو خفيف عموما، وبالتالي هجاوبه وعذرا إن فيه أسئلة كتير جدا شرحتها في تدوينة سابقة دي مش عارف المرة الكام اللي أشير ليها بس مش مشكلة...
اسم مدونتك؟
زقزوق.
النية وراء اختياره؟
لقب عائلة غير مثبت في البطاقة، وكنية محببة بالنسبة لي بين أصحابي وزمايلي.
الصورة الشخصية ودلالتها؟
ورود زرقاء، عشان بحب اللون الأزرق.
هل فكرت في إغلاق مدونتك؟ والسبب؟
لا، عشان رغاي وبحب أتكلم.
حد قل أدبه في التعليق؟ رد فعلي؟
شخص أو اتنين، رديت بنفس الأسلوب لكن لما تطور لسب مباشر مسحت الردود وأوقفت التعليقات.
أسوأ مدونة؟
كتير، وبحب أتفرج عليهم زي ما ساعات أتفرج على فيلم تافه.
هيحصل إيه للإيميل لما أموت؟
هاسيب الباسوررد مع حد يدخل يعمل auto-reply فيها إني مت ونسألكم الفاتحة!
إديت الباسوورد لحد قبل كدة؟
فيه واحد عرفها رذالة، لكن بمحض إرادتي اللي عرفوها 3 علما بإني غيرتها كتير.
اسمك؟
مكتوب في البروفايل. (واحد ظريف: فرصة سعيدة يا أستاذ مكتوب!).
عمرك؟
بردو مكتوب.
مجال دراستك؟
مكتوب.
السفر بالنسبة لي؟
طريق وصحبة وهدف.
وقت فراغك؟
بنام، أو بلعب أو ع النت.
الأكلة المفضلة؟
ملوخية.
الصفات اللي أخدتها من بابا؟
العصبية وعشق الحيوانات، وحاجات تانية.
الصفات اللي أخدتها من ماما؟
عشق الحيوانات وحاجات تانية.
أكتر 6 حاجات بكرهها؟
اشمعنى 6؟ نمط من البشر شبه كلاب البحر جدا، الأنثى كمجموعة قيم بعينها (من غير تعميم)، إسرائيل، الزمالك، الحزب الوطني، طائفة الممثلين الأوغاد (أحمد عز وهاني سلامة مثلا).
أحلى بوست كتبته؟
مفكرتش!
أفضل مدونة قرأتها؟
مدونتي، ومدونة دينا.
أفضل تدوينة؟
مفتكرش.
الشغل بالنسبة لي؟
ملوش توصيف محدد.
الإنترنت بالنسبة لي؟
وسيلة اتصال تفاعلية.
هناك 3 تعليقات:
بصراحة البوست ده مفجأة
وبالنسبة لاجابتك على افضل مدونة قرأتها!!!
ده تصييت جامد اوى
ربنا يكرمك يا عمرو يارافع معنوياتى (F):)
اجابات موجزه و معظمها متوقع :)
و يا دينا مدونتك تستحق فعلا و دائما الى الأمام :)
!!!!!
حاجات كتير غريبة فى البوست ده
لا تعليق بعد السطر ده
ههههههههههههههههههه
إرسال تعليق